Maa Durga & Navratri Puja Vidhi

विद्युद्दामसमप्रभां मृगपतिस्कन्धस्थितां भीषणां कन्याभिः करवालखेटविलसद्धस्ताभिरासेविताम्। हस्तैश्चक्रगदासिखेटविशिखांश्चापं गुणं तर्जनीं विभ्राणामनलात्मिकां शशिधरां दुर्गां त्रिनेत्रां भजे॥

ॐ ऐं ह्रीं क्लीं चामुण्डायै विच्चे। आगच्छ वरदे देवि दैत्यदर्पनिषूदनि॥

सिंहासनं मया दत्तं दिव्यास्तरणसंयुतम्। गृहाण देवि कल्याणि जगन्मातर्नमोऽस्तु ते॥

ॐ दुर्गायै नमः, पाद्यं समर्पयामि।

रक्तचन्दनमिश्रेण जलेन परमेश्वरि। अर्घ्यं गृहाण कल्याणि चण्डिके वरदा भव॥

गङ्गाजलसमानीतं सुगन्धि तोयमुत्तमम्। आचम्यतां मया दत्तं देवि दुर्गे नमोऽस्तु ते॥

पञ्चामृतं मयानीतं पयो दधि घृतं मधु। शर्करा च समायुक्तं स्नानाय प्रतिगृह्यताम्॥

रक्तकौशेयवसनं नानालङ्कारभूषितम्। गृहाण वरदे देवि सर्वकामप्रदायिनि॥

सिन्दूरं रक्तवर्णं च शोभनं सुमनोहरम्। विलेपनं गृहाण त्वं दुर्गे देवि नमोऽस्तु ते॥

जवाकुसुमसंकाशं रक्तपुष्पं प्रियं तव। मया दत्तं गृहाण त्वं चण्डिके भक्तवत्सले॥

गुग्गुल्वदिसमायुक्तो धूपोऽयं सुमनोहरः। गृहाण वरदे देवि जगन्मातर्नमोऽस्तु ते॥

साज्यं च वर्तिसंयुक्तं वह्निना योजितं मया। दीपं गृहाण देवेशि त्रैलोक्यतिमिरापहे॥

नैवेद्यं षड्रसोपेतं मिष्टान्नं घृतपाचितम्। गृहाण देवि कल्याणि मम संतुष्टये भव॥

ताम्बूलं च सताम्बूलं पूगीफलसमन्वितम्। लवङ्गैलादिसंयुक्तं गृहाण वरदायिनि॥

अम्बे तू है जगदम्बे काली, जय दुर्गे खप्पर वाली। तेरे ही गुण गावें भारती, ओ मैया हम सब उतारें तेरी आरती॥

अपराधशतं कृत्वा जगदम्बेति चोच्चरेत्। यां गतिं लभते न तां ब्रह्मादयः सुराः॥