श्री शिव चालीसा

जय गिरिजापति दीन दयाला। सदा करत संतन प्रतिपाला॥

भाल चंद्रमा सोहत नीके। कानन कुंडल नागफनी के॥

अंग गौर शिर गंग बहाये। मुंडमाल तन क्षार लगाये॥

वस्त्र खाल बाघंबर सोहे। छवि को देखि नाग मन मोहे॥

कर त्रिशूल सोहत शुचि भालो। करत सदा शत्रुन क्षयकारो॥

नंदि गणेश सोहैं तहँ कैसे। सागर मध्य कमल हैं जैसे॥

कार्तिक श्याम और गणराऊ। या छवि को कहि जात न काऊ॥

देवन्ह जबहीं जाय पुकारा। तब ही तुम प्रभु आपु संभारा॥

तुरत षडानन आप पठायो। लव निमेष महँ मारि गिरायो॥

आप जलंधर असुर संहारा। सुयश तुम्हार विदित संसारा॥

त्रिपुरासुर सन युद्ध मचाई। सबहिं कृपा करि लीन बचाई॥

किय तपहिं भागीरथ भारी। पुरब प्रतिज्ञा तासु पुरारी॥

वेद माहिं महिमा तुम गाई। अकथ अनादि भेद नहिं पाई॥

प्रगट दधि मंथन में ज्वाला। जरत सुरासुर भये विहाला॥

कीन्ह दया तहँ करी सहाई। नीलकंठ तब नाम कहाई॥

पूजन रामचंद्र जब कीन्हा। जीत के लंक विभीषण दीन्हा॥

एक कमल प्रभु राखेउ जोई। कमल नयन पूजन चहँ सोई॥

कठिन भक्ति देखी प्रभु संकर। भये प्रसन्न दियो इच्छित वर॥

जय जय जय अनंत अविनाशी। करत कृपा सब के घट वासी॥

दुष्ट सकल नित मोहि सतावैं। भ्रमत रहौं मोहि चैन न आवै॥

ले त्रिशूल शत्रुन को मारो। संकट ते मोहि आन उबारो॥

मात-पिता भ्राता सब कोई। संकट में पूछत नहिं कोई॥

स्वामी एक है आस तुम्हारी। आय हरहु मम संकट भारी॥

धन निर्धन को देत सदा ही। जो कोई जांचे सो फल पाहीं॥

शंकर हो संकट के नाशन। मंगल कारण विघ्न विनाशन॥

योगी यति मुनि ध्यान लगावैं। शारद नारद शीश नवावैं॥

नमो नमो जय नमः शिवाय। सुर ब्रह्मादिक पार न पाय॥

जो यह पाठ करे मन लाई। ता पर होत शम्भु सहाई॥

संभव जो सोई वर पावै। निश्चय शिव पद को अपनावै॥

पुत्रहीन इच्छा कर कोई। निश्चय शिव प्रसाद ते होई॥

पंडित त्रयोदशी को लावे। ध्यान पूर्वक होम करावे॥

त्रयोदशी व्रत करे हमेशा। तन नहिं ताके रहे कलेशा॥