श्री राधा चालीसा

जय वृषभान कुंवारी श्री श्यामा। कीरति नंदिनी शोभा धामा॥

नित्य विहारिणी श्याम अधारा। अमित बोध मंगल दातारा॥

रास विलासिनी रस विस्तारिनी। सहचरी सुभाग यूथ मन भावनी॥

नित्य किशोरी राधा गोरी। श्याम प्राणधन अति जिय भोरी॥

दिनकर कन्या कूल विहारिणी। कृष्ण प्राण प्रिय हिय हुलसवनी॥

नित्य श्याम तुम्हारो गुण गावें। श्री राधा राधा कही हर्षावे॥

मुरली में नित नाम उचारें। तुम कारण लीला वपु धरें॥

प्रेमा स्वरूपिणी अति सुकुमारी। श्याम प्रिय वृषभानु दुलारी॥

गौरांगी शशि निंदक बदना। सुभग चपल अनियारे नयना॥

जावक जुग जुग पंकज चरना। नूपुर ध्वनी प्रीतम मन हरना॥

सन्तत सहचरी सेवा करहीं। महा मोद मंगल मन भरहीं॥

रसिकन जीवन प्राण अधारा। राधा नाम सकल सुख सारा॥

उपजेउ जासु अंश गुण खानी। कोटिन उमा रमा ब्रम्हानी॥

नित्य धाम गोलोक बिहारिनी। जन रक्षक दुःख दोष नासवनी॥

शिव अज मुनि सनकादिक नारद। पार न पायं सेष अरु शारद॥

राधा शुभ गुण रूपा उजारी। निरखि प्रसन्ना होत बनवारी॥

प्रीतम संग देई गलबाहीं। बिहरत नित वृन्दावन माहीं॥

राधा कृष्ण कृष्ण है राधा। एक रूप दौऊ-प्रीती अगाधा॥

श्री राधा मोहन मन हरनी। जन सुख दायक प्रफुल्लित बदानी॥

कोटिक रूप धरे नन्द नंदा। दरश करन हित गोकुल चंदा॥

प्रफुलित होत दरश जब पावें। विविध भांति नित विनय सुनावें॥

वृन्दावन विहारिनी श्यामा। नाम लेत पूरण सब कामा॥

कोटिन यज्ञ तपस्या करहू। विविध नेम व्रत हिय में धरहू॥

तऊ न स्याम कृपा फल पावैं। जो नहिं राधे नाम सुनावैं॥

श्रीराधा रस प्रीती अभेदा। सादर गान करत नित वेदा॥

राधा त्यागी कृष्ण जो भजहै। ते सपनेहूँ जग जलधि न तरिहै॥

कीरति कुँवरि लाडली राधा। सुमिरत सकल मिटहिं भव बाधा॥

नाम अमंगल मूल नसावन। त्रिविध ताप हर हरी मन भावन॥

राधा नाम परम सुखदाई। सहजहिं कृपा करें यदुराई॥

यदुपति नंदन पीछे फिरिहै। जो कोउ राधा नाम सुमिरिहै॥

रास विहारिन श्यामा प्यारी। करहु कृपा बरसाने वारी॥

वृन्दावन है शरण तुम्हारी। जय जय जय वृषभानु दुलारी॥