भगवान शिव पूजन विधि (रुद्राभिषेक)

ध्यायेन्नित्यं महेशं रजतगिरिनिभं चारुचन्द्रावतंसं रत्नाकल्पोज्ज्वलाङ्गं परशुमृगवराभीतिहस्तं प्रसन्नम्। पद्मासीनं समन्तात् स्तुतममरगणैर्व्याघ्रकृत्तिं वसानं विश्वाद्यं विश्वबीजं निखिलभयहरं पञ्चवक्त्रं त्रिनेत्रम्॥

ॐ त्र्यम्बकं यजामहे सुगन्धिं पुष्टिवर्धनम्। उर्वारुकमिव बन्धनान्मृत्य pushy यामामृतात्॥ आगच्छ भगवन् शम्भो स्थाने चात्र स्थिरो भव॥

आसनं शाश्वतं दिव्यं सर्वकामफलप्रदम्। गृहाण देवदेवेश भक्त्या दत्तं महेश्वर॥

ॐ नमः शिवाय, पाद्यं समर्पयामि।

गन्धपुष्पाक्षतैर्युक्तमर्घ्यं सम्पादितं मया। गृहाण शम्भो देवेश प्रसीद परमेश्वर॥

गङ्गाजलसमानीतं सुगन्धि विमलं जलम्। आचम्यतां सुरश्रेष्ठ मया दत्तं हि भक्तितः॥

ॐ नमः शिवाय। पञ्चामृतं मयानीतं पयो दधि घृतं मधु। शर्करा च समायुक्तं स्नानार्थं प्रतिगृह्यताम्॥

वस्त्रं शीतनिवारणार्थं लज्जाया रक्षणं तथा। मया दत्तं गृहाण त्वं शम्भो भक्त्या समर्पितम्॥ उपवीतं गृहाण त्वं सोमेश्वर जगत्पते॥

श्रीखण्डं चन्दनं दिव्यं गन्धाढ्यं सुमनोहरम्। विलेपनं सुरश्रेष्ठ चन्दनं प्रतिगृह्यताम्॥ विभूतिं च प्रयच्छामि सर्वपापप्रणाशिनीम्॥

त्रिदलं त्रिगुणाकारं त्रिनेत्रं च त्रियायुधम्। त्रिजन्मपापसंहारं बिल्वपत्रं शिवार्पणम्॥

वनस्पतिरसोद्भूतो गन्धाढ्यः सुमनोहरः। आघ्रेयः सर्वदेवानां धूपोऽयं प्रतिगृह्यताम्॥

भो शम्भो सर्वलोकेश दीपं पश्य मयार्पितम्। तमसो मा ज्योतिर्गमय प्रसीद परमेश्वर॥

नैवेद्यं शर्करायुक्तं फलानि विविधानि च। गृहाण देवदेवेश मया दत्तं महेश्वर॥

पूगीफलं महद्दिव्यं नागवल्लीदलैर्युतम्। ताम्बूलं गृह्यतां देव दक्षिणां च समर्पये॥

कर्पूरगौरं करुणावतारं संसारसारम् भुजगेन्द्रहारम्। सदावसन्तं हृदयारविन्दे भवं भवानीसहितं नमामि॥

करचरणकृतं वाक्कायजं कर्मजं वा श्रवणनयनजं वा मानसं वापराधम्। विहितमविहितं वा सर्वमेतत्क्षमस्व जय जय करुणाब्धे श्रीमहादेव शम्भो॥