श्री सत्यनारायण पूजन विधि

शान्ताकारं भुजगशयनं पद्मनाभं सुरेशं विश्वाधारं गगनसदृशं मेघवर्णं शुभाङ्गम्। लक्ष्मीकान्तं कमलनयनं योगिभिर्ध्यानगम्यं वन्दे विष्णुं भवभयहरं सर्वलोकैकनाथम्॥

ॐ नमो भगवते वासुदेवाय। आगच्छ सत्यदेवेश सन्निधौ भव मे प्रभो॥

पीताम्बरधरायास्मै दिव्यासनं समर्पये। गृहाण देवदेवेश भक्त्या दत्तं जनार्दन॥

ॐ श्रीसत्यनारायणाय नमः, पाद्यं समर्पयामि।

अर्घ्यं गृहाण गोविन्द गन्धपुष्पाक्षतैर्युतम्।

सुगन्धि निर्मलं तोयं आचम्यतां जगत्पते।

पञ्चामृतस्नानं समर्पयामि। गंगाजलस्नानं समर्पयामि॥

पीतवस्त्रं मया दत्तं कुरु रक्षां जनार्दन। उपवीतं गृहाण त्वं विष्णो सर्वहितप्रद॥

गोपीचन्दनसंयुक्तं कस्तूरीकुङ्कुमान्वितम्। विलेपनं गृहाण त्वं सत्यदेव नमोऽस्तु ते॥

तुलसीदलैर्युतं माल्यं पीतपुष्पैः समन्वितम्। प्रीत्यर्थं ते समर्प्यामि गृहाण कमलापते॥

धूपं गृहाण देवेश सर्वलोकैकनायक।

साज्यं च वर्तिसंयुक्तं दीपं दर्शयामि प्रभो।

सपादभक्ष्यं संयुक्तं कदलीफलशोभितम्। पयो दधि घृतोपेतं नैवेद्यं प्रतिगृह्यताम्॥

ताम्बूलं गृहाण देव पूगीफलसमन्वितम्। दक्षिणां च मया दत्तां कुरु पूर्णं मनोरथम्॥

ॐ जय जगदीश हरे, स्वामी जय जगदीश हरे। भक्त जनों के संकट, क्षण में दूर करे॥

कायेन वाचा मनसेन्द्रियैर्वा बुद्ध्यात्मना वा प्रकृतेः स्वभावात्। करोमि यद्यत् सकलं परस्मै नारायणायेति समर्पयामि॥