महालक्ष्मी पूजन विधि (दीपावली)

ॐ या सा पद्मासनस्था विपुलकटितटी पद्मपत्रायताक्षी। गम्भीरावर्तनाभिः स्तनभरनमिता शुभ्रवस्त्रोत्तरीया॥ लक्ष्मीर्दिव्यैर्गजेन्द्रैर्मणिगणखचितैः स्नापिता हेमकुम्भैः। नित्यं सा पद्महस्ता मम वसतु गृहे सर्वमाङ्गल्ययुक्ता॥

ॐ श्रीं ह्रीं श्रीं कमले कमलालये प्रसीद प्रसीद श्रीं ह्रीं श्रीं ॐ महालक्ष्म्यै नमः॥ आगच्छ वरदे देवि भक्तानुकम्पिनि॥

दिव्यास्तरणसंयुक्तं मणिरत्नसमन्वितम्। कार्तस्वरमयं दिव्यमासनं प्रतिगृह्यताम्॥

ॐ महालक्ष्म्यै नमः, पादोदकं समर्पयामि।

अर्घ्यं गृहाण वरदे गन्धपुष्पाक्षतैर्युतम्। प्रसन्न भव मे देवि त्रैलोक्यजननि शुभे॥

सर्वतीर्थसमुद्भूतं सुगन्धामृतशीतलम्। आचम्यतां मया दत्तं लक्ष्मि देवि नमोऽस्तु ते॥

क्षीरं दधि घृतं चैव मधु शर्करया युतम्। पञ्चामृतं गृहाण त्वं स्नानाय कमलालये॥

रक्तवस्त्रयुगं देवि नानालङ्कारशोभितम्। मया दत्तं गृहाण त्वं विष्णुपत्नि नमोऽस्तु ते॥

कुङ्कुमं कामदं दिव्यं कामिनीकामसम्भवम्। कुङ्कुमेनार्चिता देवि महालक्ष्मि नमोऽस्तु ते॥

पद्मशङ्खगदाहस्ते पद्मवर्णानि सुप्रभे। कमलैः पूजिते देवि सर्वान् कामान् प्रयच्छ मे॥

दिव्यगन्धसमायुक्तं वनस्पतिरसोद्भवम्। आघ्रेयं सर्वदेवानां धूपोऽयं प्रतिगृह्यताम्॥

अन्तर्ज्योतिर्बहिर्ज्योतिर्ज्योतिर्ज्योतिः परात्परः। दीपज्योतिर्महादेवि गृहाण मम मङ्गले॥

अन्नं चतुर्विधं स्वादु रसैः षड्भिः समन्वितम्। नैवेद्यं गृह्यतां देवि भक्तिर्मे ह्यचला भवेत्॥

पूगीफलं महद्दिव्यं नागवल्लीदलैर्युतम्। स्वर्णरजतमुद्राढ्यं दक्षिणां च समर्पये॥

ॐ जय लक्ष्मी माता, मैया जय लक्ष्मी माता। तुमको निसदिन सेवत, हर विष्णु विधाता॥

ॐ महालक्ष्म्यै च विद्महे विष्णुपत्न्यै च धीमहि तन्नो लक्ष्मीः प्रचोदयात्॥ अपराधसहस्राणि क्रियन्तेऽहर्निशं मया। दासोऽयमिति मां मत्वा क्षमस्व परमेश्वरि॥