मीनाक्षी पञ्चरत्नम् || Meenakshi Pancharatnam Stotram

 श्री मीनाक्षी पञ्चरत्नम् स्तोत्रम ( Meenakshi Pancharatnam Stotram ) के रचियता श्री शंकराचार्य जी हैं ! श्री मीनाक्षी देवी जी माँ लक्ष्मी ( Lakshmi Mata ) जी का ही स्वरुप माना जाता हैं और मीनाक्षी पञ्चरत्नम् का पाठ श्री मीनाक्षी देवी जी की पूजा अर्चना में किया जाता है ! 


Meenakshi Pancharatnam


उद्यद्भानुसहस्रकॊटिसदृशां कॆयूरहारॊज्ज्वलां

बिम्बॊष्ठीं स्मितदन्तपङ्क्तिरुचिरां पीताम्बरालङ्कृताम् ।


विष्णुब्रह्मसुरॆन्द्रसॆवितपदां तत्वस्वरूपां शिवां


मीनाक्षीं प्रणतॊस्मि सन्ततमहं कारुण्य वारांनिधिम् ॥ १ ॥



मुक्ताहारलसत्किरीटरुचिरां पूर्णॆन्दुवक्त्रप्रभां


शिञ्जन्नूपुरकिङ्किणीमणिधरां पद्मप्रभाभासुराम् ।


सर्वाभीष्टफलप्रदां गिरिसुतां वाणीरमासॆवितां


मीनाक्षीं प्रणतॊस्मि सन्ततमहं कारुण्य वारांनिधिम् ॥ २ ॥



श्रीविद्यां शिववामभागनिलयां ह्रीङ्कारमन्त्रॊज्ज्वलां


श्रीचक्राङ्कितबिन्दुमध्यवसतिं श्रीमत्सभानायिकाम् ।



श्रीमत्षण्मुखविघ्नराजजननीं श्रीमज्जगन्मॊहिनीं


मीनाक्षीं प्रणतॊस्मि सन्ततमहं कारुण्य वारांनिधिम् ॥ ३ ॥



श्रीमत्सुन्दरनायिकां भयहरां ज्ञानाप्रदां निर्मलां


श्यामाभां कमलासनार्चितपदां नारायणस्यानुजाम् ।



वीणावॆणुमृदङ्गवाद्यरसिकां नानाविधामम्बिकां


मीनाक्षीं प्रणतॊस्मि सन्ततमहं कारुण्य वारांनिधिम् ॥ ४ ॥



नानायॊगिमुनीन्द्रहृत्सुवसतिं नानार्थसिद्धिप्रदां


नानापुष्पविराजिताङ्घ्रियुगलां नारायणॆनार्चिताम् ।



नादब्रह्ममयीं परात्परतरां नानार्थतत्वात्मिकां


मीनाक्षीं प्रणतॊस्मि सन्ततमहं कारुण्य वारांनिधिम् ॥ ५ ॥


Read More About : Famous indian Temples

टिप्पणी पोस्ट करें

0 टिप्पणियां