Subscribe Us

श्री लक्ष्मी सूक्त || Shri Lakshmi Suktam

श्री लक्ष्मी सूक्त || Shri Lakshmi Suktam || Shri Laxmi Suktam

श्री गणेशाय नमः ।



ॐ पद्मानने पद्मिनि पद्मपत्रे पद्मप्रिये पद्मदलायताक्षि ।

विश्वप्रिये विश्वमनोऽनुकूले त्वत्पादपद्मं मयि सन्निधत्स्व ॥




पद्मानने पद्मऊरु पद्माश्री पद्मसम्भवे ।

तन्मे भजसिं पद्माक्षि येन सौख्यं लभाम्यहम् ॥


अश्वदायै गोदायै धनदायै महाधने ।

धनं मे जुषतां देवि सर्वकामांश्च देहि मे ॥



पुत्रपौत्रं धनं धान्यं हस्त्यश्वादिगवेरथम् ।

प्रजानां भवसि माता आयुष्मन्तं करोतु मे ॥


धनमग्निर्धनं वायुर्धनं सूर्योधनं वसुः ।

धनमिन्द्रो बृहस्पतिर्वरुणो धनमस्तु मे ॥


वैनतेय सोमं पिब सोमं पिबतु वृत्रहा ।

सोमं धनस्य सोमिनो मह्यं ददातु सोमिनः ॥



न क्रोधो न च मात्सर्यं न लोभो नाशुभा मतिः ।

भवन्ति कृतपुण्यानां भक्तानां श्रीसूक्तं जापिनाम् ॥


सरसिजनिलये सरोजहस्ते धवलतरांशुक गन्धमाल्यशोभे ।

भगवति हरिवल्लभे मनोज्ञे त्रिभुवनभूतिकरि प्रसीद मह्यम् ॥


श्रीर्वर्चस्वमायुष्यमारोग्यमाविधाच्छोभमानं महीयते ।

धान्य धनं पशुं बहुपुत्रलाभं शतसंवत्सरं दीर्घमायुः ॥



ॐ महादेव्यै च विद्महे विष्णुपत्न्यै च धीमहि ।

तन्नो लक्ष्मीः प्रचोदयात् ॥


ॐ महालक्ष्म्यै च विद्महे महश्रियै च धीमहि ।

तन्नः श्रीः प्रचोदयात् ॥


विष्णुपत्नीं क्षमां देवीं माधवीं माधवप्रियाम् ।

लक्ष्मीं प्रियसखीं देवीं नमाम्यच्युतवल्लभाम् ॥


चन्द्रप्रभां लक्ष्मीमैशानीं सूर्याभांलक्ष्मीमैश्वरीम् ।

चन्द्र सूर्याग्निसङ्काशां श्रियं देवीमुपास्महे ॥


॥ इति श्रीलक्ष्मी सूक्तम् सम्पूर्णम् ॥


Lakshmi Sukta



टिप्पणी पोस्ट करें

0 टिप्पणियां