Subscribe Us

अम्बा नवमणिमाला स्तोत्र || Amba Navamani Mala Stotram

अम्बा नवमणिमाला स्तोत्र || Amba Navamani Mala Stotram || Arya Navakam

वाणीं जितशुकवाणीं अलिकुलवेणीं भवाम्बुधिद्रोणीम्।



वीणाशुकशिशुपाणीं नतगीर्वाणीं नमामि शर्वाणीम्  ॥१॥


कुवलयदलनीलाङ्गीं कुवलयरक्षैकदीक्षितापाङ्गीं।

लोचनविजितकुरङ्गीं मातङ्गीं नौमि शङ्करार्धाङ्गीम् ॥२॥


कमला कमलजकान्ता कर-सारस-दत्त-कान्त-करकमलाम्

करयुगलविधृतकमलां विमलां कमलाङ्कचूड-सकल-कलाम्  ॥३॥



सुन्दर-हिमकर-वदनां कुन्दसुरदनां मुकुन्द-निधि-सदनाम्।

करुणोज्जीवितमदनां सुरकुशलायाऽसुरेषु-कृत-कदनाम् ॥४॥


अरुणाधरजितबिम्बां जगदम्बां गमनविजित-कादम्बाम्।

पालितसुजनकदंबां पृथुलनितम्बां भजे सहेरम्बाम् ॥५॥


शरणागत-जन-भरणां करुणावरुणालयां नवावरणाम्।



मणिमयदिव्याभरणां चरणाम्भोजात-सेवकोद्धरणाम् ॥ ६॥


तुङ्गस्तनजितकुम्भां कृत-परिरंभां-शिवेन गुह-डिम्भाम्।

दारित-शुंभ-निशुंभाम् नर्तित-रंभां पुरो विगतदम्भाम् ॥७॥


नतजन-रक्षा-दीक्षां प्रत्यक्ष-दैवताध्यक्षाम्।

वाहीकृत-हर्यक्षां क्षपित-विपक्षां सुरेषु-कृत-रक्षाम् ॥८॥





धन्यां सुरवरमान्यां हिमिगिरि-कन्यां त्रिलोक-मूर्द्धन्याम्।

विहृत-सुरद्रुम-वन्यां वेद्मि विना त्वां न देवतास्वन्याम् ॥९॥


एतां नवमणिमालां पठन्ति भक्त्येह ये पराशक्त्याः।

तेषां वदने सदने नृत्यति वाणी रमा च परममुदा ॥१०॥


Amba Navamani Mala Stotram


टिप्पणी पोस्ट करें

0 टिप्पणियां