Subscribe Us

श्री रामचन्द्र स्तुति || Shri Ramchandra Stuti || Baghwan Ram ki Stuti Path

श्री रामचन्द्र स्तुति || Shri Ramchandra Stuti || Baghwan Ram ki Stuti Path


नमामि भक्तवत्सलं कृपालुशीलकोमलं,

भजामि ते पदाम्बुजं अकामिनां स्वधामदम् ।


निकामश्यामसुन्दरं भवाम्बुनाथमन्दरं, 

प्रफुल्लकञ्जलोचनं मदादिदोषमोचनम् ॥ १ ॥


प्रलम्बबाहुविक्रमं प्रभोऽप्रमेयवैभवं,

निषङ्गचापसायकं धरं त्रिलोकनायकम् ।


दिनेशवंशमण्डनं महेशचापखण्डनं,

मुनीन्द्रसन्तरञ्जनं सुरारिबृन्दभञ्जनम् ॥ २ ॥


मनोजवैरिवन्दितं अजादिदेवसेवितं, 

विशुद्धबोधविग्रहं समस्तदूषणापहम् ।


नमामि इन्दिरापतिं सुखाकरं सतां गतिं,

भजे सशक्तिसानुजं शचीपतिप्रियानुजम् ॥ ३ ॥


त्वदङ्घ्रिमूल ये नरा भजन्ति हीनमत्सराः,

पतन्ति नो भवार्णवे वितर्कवीचिसङ्कुले ।


विविक्तवासिनः सदा भजन्ति मुक्तये मुदा,

निरस्य इन्द्रियादिकं प्रयान्ति ते गतिं स्वकाम् ॥ ४ ॥


त्वमेकमद्भुतं प्रभुं निरीहमीश्वरं विभुं, 

जगत्गुरुं च शाश्वतं तुरीयमेव केवलम् ।


भजामि भाववल्लभं कुयोगिनां सुदुर्लभं,

स्वभक्तकल्पपादपं समस्तसेव्यमन्वहम् ॥ ५ ॥


अनूपरूपभूपतिं नतोऽहमुर्विजापतिं, 

प्रसीद मे नमामि ते पदाब्जभक्ति देहि मे ।


पठन्ति ये स्तवं इदं नरादरेण ते पदं,

व्रजन्ति नात्र संशयस्त्वदीयभावसंयुतम् ॥ ६ ॥

। इति श्री रामचंद्र स्तुति सम्पूर्णम । 
baghwan Ramchandra ji ki stuti

Ramchandra Stuti




टिप्पणी पोस्ट करें

0 टिप्पणियां