श्री महालक्ष्मी अष्टक || Shri Mahalaxmi Ashtakam || Mahalaxmi Ashtak

नमस्तेस्तु महामाये श्रीपीठे सुरपूजिते ।

शङ्खचक्रगदाहस्ते महालक्षि्म नमोस्तु ते॥1॥


नमस्ते गरुडारूढे कोलासुरभयङ्करि । 

सर्वपापहरे देवि महालक्ष्मि नमोऽस्तु ते ॥२॥


सर्वज्ञे सर्ववरदे सर्वदुष्टभयङ्करि । 

सर्वदुःखहरे देवि महालक्ष्मि नमोऽस्तु ते ॥३॥


सिद्धिबुद्धिप्रदे देवि भुक्तिमुक्तिप्रदायिनि । 

मन्त्रमूर्ते सदा देवि महालक्ष्मि नमोऽस्तु ते ॥४॥


आद्यन्तरहिते देवि आद्यशक्तिमहेश्वरि ।

योगजे योगसम्भूते महालक्ष्मि नमोऽस्तु ते ॥५॥


स्थूलसूक्ष्ममहारौद्रे महाशक्ति महोदरे । 

महापापहरे देवि महालक्ष्मि नमोऽस्तु ते ॥६॥


पद्मासनस्थिते देवि परब्रह्मस्वरूपिणि । 

परमेशि जगन्माता महालक्ष्मि नमोऽस्तु ते ॥७॥


श्वेताम्बरधरे देवि नानालङ्कारभूषिते । 

जगत्स्थिते जगन्मातर्महालक्ष्मि नमोऽस्तु ते ॥८॥


। फलश्रुति । 

महालक्ष्म्यष्टकस्तोत्रं यः पठेद्भक्तिमान्नरः ।

सर्वसिद्धिमवाप्नोति राज्यं प्राप्नोति सर्वदा ॥


एककाले पठेन्नित्यं महापापविनाशनम् ।

द्विकालं यः पठेन्नित्यं धनधान्यसमन्वितः ॥


त्रिकालं यः पठेन्नित्यं महाशत्रुविनाशनम् ।

महालक्ष्मीर्भवेन्नित्यं प्रसन्न वरदा शुभा ॥


महालक्ष्मि नमोऽस्तु ते ।

॥ इतीन्द्रकृतं महालक्ष्म्यष्टकं सम्पूर्णम् ॥

mahalakshmi ashtakam

Mahalakshmi Ashtak


Post a Comment

Help us to Build Neat & Clean Content.if you have any information or useful content related to this site. Please Let us know and we are happy to update our content or Publish new Content on this website.

नया पेज पुराने