शिव स्तोत्रम् || Shiv Stotram || || Shiva Stotram

शिव स्तोत्रम् || Shiv Stotram || Shiva Stotram



निखिलभुवनजन्मस्थेमभङ्गप्ररोहाः,

अकलितमहिमानः कल्पिता यत्र तस्मिन् ।


सुविमलगगनाभे ईशसंज्ञेऽप्यनीशे,

मम भवतु भवेऽस्मिन् भासुरो भावबन्धः ॥ १ ॥


निहतनिखिलमोहेऽधीशता यत्र रूढा,

प्रकटितपरप्रेम्णा यो महादेवसंज्ञः ।


अशिथिलपरिरम्भः प्रेमरूपस्य यस्य,

हृदि प्रणयति विश्वं व्याजमात्रं विभुत्वम् ॥ २ ॥


वहति विपुलवातः पूर्वसंस्काररूपः,

विदलति बलवृन्दं घूर्णितेवोर्मिमाला ।


प्रचलति खलु युग्मं युष्मदस्मत्प्रतीतं,

अतिविकलितरूपं नौमि चित्तं शिवस्थम् ॥ ३ ॥


जनकजनितभावो वृत्तयः संस्कृताश्च,

अगणनबहुरूपो यत्र चैको यथार्थः ।


शमितविकृतिवाते यत्र नान्तर्बहिश्च,

तमहह हरमीडे चित्तवृत्तेर्निरोधम् ॥ ४ ॥


गलिततिमिरमालः शुभ्रतेजःप्रकाशः,

धवलकमलशोभः ज्ञानपुञ्जाट्टहासः ।


यमिजनहृदिगम्यो निष्कलो ध्यायमानः,

प्रणतमवतु मां सः मानसो राजहंसः ॥ ५ ॥


दुरितदलनदक्षं दक्षजादत्तदोषं,

कलितकलिकलङ्कं कम्रकह्लारकान्तम् ।


परहितकरणाय प्राणप्रच्छेदप्रीतम्,

नतनयननियुक्तं नीलकण्ठंनमामः ॥ ६ ॥

shiv stotra

shiva stotra


टिप्पणी पोस्ट करें

0 टिप्पणियां